Seenger Lied
Zwee Hügelzüg, der Alpechranz,
de Jura blau im Sunneglanz,
de Himmel drüber gross und wit,
es heiters Tal, wo drunder lit
und zmitts drin inn’e stille See,
und zmitts drin inn’e stille See:
Mi Heimat, mi Heimat, mi Hallwilersee.
Und deet am allerschönsten Ort
Wo d’Räbe wachst am Sunnebort,
wo’s blüeht und singt dur d’Matten us,
do isch mis Hei, do stoht mis Hus.
Es schöners Dorf chasch niene gseh,
es schöners Dorf chasch niene gseh,
as Seenge, as Seenge am Hallwilersee
as Seenge, as Seenge am Hallwilersee.
Chund eine us der Frömdi zrugg,
zum alte Schloss und über d’Brugg
so luegt er gäge’s Dorf am Hang.
E Glogge rüeft: Wo bliebsch so lang?
Es schöners Dorf chasch niene gseh,
es schöners Dorf chasch niene gseh,
as Seenge, as Seenge am Hallwilersee,
as Seenge, as Seenge am Hallwilersee!
Hypi-Jasscup Mellingen 2023
